Stefán Ingi Sigurðarson leikmaður HK var hæstánægður eftir sigur á Kórdrengjum í kvöld. Leikurinn fór 3-1 þar sem Stefán skoraði 2 annað með skalla og hitt var þrumufleygur fyrir utan teig.
Lestu um leikinn: HK 3 - 1 Kórdrengir
„Ég er bara hrikalega sáttur, þetta var tækifæri fyrir okkur að taka alvöru statement aftur frá því í síðasta leik og halda áfram að vinna þannig ég er bara virkilega sáttur, við unnum fyrir þessu og áttum þetta skilið."
HK hefur unnið núna 4 leiki í röð í deild og eru komnir á toppinn í Lengjudeildinni.
„Við erum bara góðir leikmenn, erum með gott lið og erum að vinna fyrir hvorn annan og það sést í leikjum. Það eru allir til í að leggja hart að fyrir liðsfélaga."
Stefán skorar 2 mörk í dag og spilaði mjög vel.
„Það var virkilega gaman. Það var hægur fyrri hálfleikur, bæði lið svolítið hrædd við að gera mistök. Seinni hálfleikurinn opnaðist vel það var gott að gera mark 46. bara strax og svo er ég virkilega ánægður með seinna markið, hitti hann vel og gaman að sjá hann syngja inn í skeitin."
HK kom eins og allt annað lið inn í seinni hálfleik og þeir hljót að hafa nýtt pásuna vel.
„Við vorum bara ákveðnir að koma með meiri baráttu inn í seinni hálfleik. Við töluðum bara Ómar og allir saman um að við hefðum ekki gert nógu vel í fyrri hálfleik og vildum bæta upp fyrir það og sem betur fer náðum við að gera það mjög fljótt."
Viðtalið má sjá í heild sinni í spilaranum hér fyrir ofan.