Ágúst Gylfason, þjálfari Fjölnis, var nokkuð sáttur með markalaust jafntefli sinna manna gegn Stjörnunni í Pepsi-deildinni í Grafarvoginum í dag.
Bæði lið gátu vel þegið sigur í sitt hvorri baráttunni en skiptu að lokum stigunum á milli sín.
Bæði lið gátu vel þegið sigur í sitt hvorri baráttunni en skiptu að lokum stigunum á milli sín.
,,Ég er mest sáttur við að við héldum hreinu og gott að taka eitt stig í þessari botnbaráttu. Þetta tekur allt. En ég hefði viljað skora eitt til þrjú mörk í þessum leik, við fengum færi til þess," sagði Ágúst við Fótbolta.net.
,,Við vorum þéttir til baka og vorum að reyna að koma í veg fyrir skyndisóknir hjá Stjörnunni, og það gekk vel. Við fengum færin kannski en náðum ekki að nýta þau og niðurstaðan 0-0. Ætli það sé ekki sanngjarnt."
Gunnar Már Guðmundsson, oft kallaður Herra Fjölnir, fékk að líta rauða spjaldið í leiknum og þótti Ágústi það helst til hart.
,,Ég missti eiginlega af því. Ég sá að það var einhver tækling, hvort það var einn eða tveir fætur. Gunnar Már segir að þetta var einn fótur og gult spjald, en rautt beint finnst mér gróft. Það er mjög dýrt að missa Herra Fjölni (úr næsta leik gegn Fylki)."
Athugasemdir
