Jónatan Guðni Arnarsson er fæddur árið 2007.
„Það var orðið ljóst svolítið snemma að ég myndi fara í Breiðablik.“
Magni Fannberg.
Jónatan Guðni Arnarsson er nýjasti liðsmaður Breiðabliks. Hann var tilkynntur hjá félaginu á sunnudaginn, en hann kemur frá sænska liðinu Norrköping.
Jónatan er 18 ára gamall en hann var keyptur til Norrköping frá uppeldisfélaginu Fjölni síðasta vetur. Hann kom við sögu í tíu leikjum í sænsku úrvalsdeildinni á tímabilinu en Norrköping féll úr deildinni eftir slæman lokakafla.
Fótbolti.net ræddi við Jónatan um heimkomuna og má sjá viðtalið í heild sinni í spilaranum hér að ofan.
Jónatan er 18 ára gamall en hann var keyptur til Norrköping frá uppeldisfélaginu Fjölni síðasta vetur. Hann kom við sögu í tíu leikjum í sænsku úrvalsdeildinni á tímabilinu en Norrköping féll úr deildinni eftir slæman lokakafla.
Fótbolti.net ræddi við Jónatan um heimkomuna og má sjá viðtalið í heild sinni í spilaranum hér að ofan.
Önnur lið höfðu áhuga en Breiðablik mest spennandi
„Það er frábært að vera kominn í Breiðablik. Það hefur verið óvissa undanfarna daga, en þetta er komið.“
Áttu skiptin sér langan aðdraganda?
„Ég myndi segja það, þetta voru um þrjár vikur sem leiddu að þessu. Það var orðið ljóst svolítið snemma að ég myndi fara í Breiðablik.“
„Það voru einhver önnur lið inn í myndinni, en mér fannst Breiðablik vera mest spennandi. Þetta er skemmtilegt lið sem hefur unnið deildina nokkrum sinnum núna. Mér fannst þetta besta liðið sem ég hefði getað farið í sem næsta skref,“ segir Jónatan en hann var orðaður við bæði Breiðablik og Val.
Hann segist spenntur að vinna undir Ólafi Inga Skúlasyni, þjálfara Breiðabliks.
„Ég er mjög spenntur að vinna undir honum. Hann hefur góða reynslu að vinna með ungum leikmönnum. Ég held að þetta verði frábær tími hjá okkur og liðinu.“
Brottrekstur Magna hafði mikil áhrif
Magni Fannberg var yfirmaður fótboltamála hjá Norrköping, en hann var látinn fara um mitt tímabil. Jónatan segir sumarið hjá Norrköping hafa verið stormasamt.
„Nei, alls ekki. En það var algjört rugl sem gerðist í sumar, Magni var látinn fara og það var vitað að þjálfarinn væri látinn fara. Ég og umboðsmaðurinn minn tókum þá ákvörðun að það væri best að leita af öðru umhverfi. Klúbburinn var í smá hakki á þessum tímapunkti og þess vegna tókum við þá ákvörðun að það væri best að fara.“
Fékkstu minna traust eftir að Magni var látinn fara?
„Ég myndi ekki segja það, þjálfarinn hélt áfram að gefa mér sénsa. En þetta var auðvitað mjög leiðinlegt fyrir mig að Magni var látinn fara vegna þess að hann kom mér inn í þetta. Þannig að það var vitað eftir að Magni fór að það væri best að fara í eitthvert annað félag.“
„Þetta var samt mjög gott ár. Þetta er góður klúbbur, mjög góðir einstaklingar í liðinu. Þar á meðal Arnór Ingvi og Ísak Andri. Mér fannst þetta vera mjög góður tími.“
Athugasemdir
