Kjartan Henry í leik með KR í sumar.
Kjartan Henry Finnbogason, leikmaður KR, birti á Twitter í dag tuttugu ára gamalt bréf frá KSÍ sem sent var á Hagaskóla.
Í bréfinu er óskað eftir því að Kjartan fengi frí úr skólanum til þess að mæta á hádegi þann 26. september árið 2001 til að spila vináttuleik fyir U16 ára landslið Íslands gegn Frakklandi.
Í bréfinu er óskað eftir því að Kjartan fengi frí úr skólanum til þess að mæta á hádegi þann 26. september árið 2001 til að spila vináttuleik fyir U16 ára landslið Íslands gegn Frakklandi.
Á bréfið er skrifað „Leyfi ekki veitt. Drengurinn á að vera í skólanum". Kjartan skrifar við færsluna: „Skólastjóri Hagaskóla grjótharður!"
Kjartan byrjaði leikinn og var tekinn af velli á 41. mínútu samkvæmt leikskýrslu. Í samtali við Fótbolta.net í dag sagðist Kjartan ekki muna eftir því hvort hann hafi skrópað eða einfaldlega mætt eftir skóla til móts við liðið.
Leikskýrsluna má sjá hérna.
Skólastjóri Hagaskóla grjótharður! pic.twitter.com/XasWIzqkZu
— Kjartan Henry Finnbogason (@kjahfin) September 24, 2021
Athugasemdir
