Miðverðirnir Hólmar Örn Eyjólfsson og Jón Guðni Fjóluson spila með liðunum. Hólmar Örn lék allan leikinn í vörn Rosenborg og Jón Guðni lék allan leikinn fyrir Brann.

Gestirnir í Brann byrjuðu leikinn gríðarlega vel og þeir leiddu 2-0 að loknum fyrri hálfleiknum. Í byrjun seinni hálfleiks varð staðan 3-0 fyrir Brann.

Rosenborg náði að klóra í bakkann undir lokin. Hólmar Örn skoraði í uppbótartíma til að minnka muninn í 3-2.

Það voru lokatölurnar. Rosenborg er í fjórða sæti deildarinnar með 45 stig þegar fimm umferðir eru eftir. Brann situr í 11. sæti.