Milner var lengi vel vítaskytta númer eitt hjá Liverpool frá því hann kom frá Manchester City árið 2015.

Hann tók samtals 12 vítaspyrnur á Anfield og skoraði úr tíu þeirra en bikarkeppnir eru teknar með inn í dæmið.

Vallarstarfsmenn Anfield vildu því kveðja hann með viðeigandi hætti og fjarlægðu því grasflöt sem innihélt sjálfan vítapunktinn og gáfu Milner.

„Eftir að hafa eyðilagt vítapunktana okkar síðustu átta ár fannst okkur tími til kominn að þú fáir að sjá um einn slíkan,“ kom fram í skilaboðum frá vallarstarfsmönnum.