Manchester United færist nær kaupum á franska miðverðinum Raphael Varane frá Real Madrid.
Goal segist geta staðfest það. Í byrjun síðustu viku þá voru félögin tvö ekki nálægt samkomulagi en það er búið að brúa bilið mikið.
Búist er við því að Manchester United muni ganga frá kaupum á franska miðverðinum fyrir 45-55 milljónir evra. Varane er 28 ára og á eitt ár eftir af samningi sínum við spænska stórveldið.
„Það bendir allt til þess að skipti hans til Man Utd verði kláruð," segir í grein Goal.
Ole Gunnar Solskjær er ákveðinn í að fá inn nýjan miðvörð til að spila við hlið Harry Maguire og vonast til að United geti barist um enska meistaratitilinn á komandi tímabili. Félagið er nú þegar búið að kaupa kantmanninn Jadon Sancho frá Borussia Dortmund.
Manchester United are closing in on an agreement to sign Real Madrid defender Raphael Varane, Goal can confirm 🚨
— Goal News (@GoalNews) July 25, 2021
Athugasemdir