Thierry Henry, fyrrum framherji Arsenal, hefur ákveðið að hætta á samfélagsmiðlum til að mótmæla kynþáttafordómum og ljótum skilaboðum sem fótboltamenn hafa fengið þar.
Margir fótboltamenn hafa orðið fyrir kynþáttafordómum og fengið ljót skilaboð send í gegnum samfélagsmiðla á þessu tímabili.
Hinn 43 ára gamli Henry er með 2,3 milljónir fylgjenda á Twitter og hann tilkynnti ákvörðun sína með tilkynningu þar.
Henry ætlar að loka síðum sínum á samfélagsmiðlum þangað til að eitthvað verður gert til að stöðva aðila á samfélagsmiðlum sem eru með fordóma og ljót skilaboð.
„Það er alltof auðvelt að búa til aðgang og nota hann til að leggja í einelti án afleiðinga og án þess að koma upp um sig," sagði Henry.
Hi Guys
— Thierry Henry (@ThierryHenry) March 26, 2021
From tomorrow morning I will be removing myself from social media until the people in power are able to regulate their platforms with the same vigour and ferocity that they currently do when you infringe copyright.... pic.twitter.com/gXSObqo4xg
Athugasemdir