Fótbolti.net

lau 26. apríl 2025 16:43

Brynjar Ingi Erluson

Þýskaland: Bayern einum sigri frá titlinum - Kovac ætlar að koma Dortmund í Meistaradeildina

Leroy Sane skoraði í sigri Bayern

Mynd: EPA

Dortmund vann magnaðan sigur

Mynd: EPA

Bayern München er einum sigri frá því að vinna þýsku deildina eftir að liðið vann 3-0 sigur á Mainz í 31. umferðinni í dag. Borussia Dortmund á raunverulegan möguleika á að komast í Meistaradeild Evrópu á næsta tímabili eftir dramatískan sigur á Hoffenheim.

Bæjarar hafa verið frábærir á tímabilinu og færast nú skrefi nær markmiðinu.

Leroy Sane og Michael Olise komu liðinu í 2-0 forystu í fyrri hálfleik gegn Mainz og þá gerði enski varnarmaðurinn Eric Dier þriðja markið með skalla eftir hornspyrnu þegar lítið var eftir af leiknum.

Bayer Leverkusen vann á meðan 2-0 sigur á Augsburg. Patrik Schick og Emi Buendia skoruðu mörkin, en staðan í deildinni er nú þannig að Bayern er á toppnum með 75 stig en Leverkusen í öðru með 67 stig.

Borussia Dortmund á þá möguleika á að komast í Meistaradeild Evrópu fyrir næstu leiktíð, en ekki var útlit fyrir það fyrir nokkrum vikum.

Nuri Sahin var rekinn eftir slakt gengi og tók Niko Kovac við liðinu, en hann hefur verið að ná í góð úrslit og stýrði liðinu til sigurs gegn Hoffenheim í dag.

Serhou Guirassy kom Dortmund í 1-0 á 20. mínútu en klikkaði síðan á vítaspyrnu fjórtán mínútum síðar. Adam Hlozek jafnaði fyrir Hoffenheim á 61. mínútu en Julian Brandt kom Dortmund aftur í forystu þrettán mínútum síðar.

Dramatíkin var svakaleg í uppbótartímanum. Tékkneski bakvörðurinn Pavel Kaderabek jafnaði metin á fyrstu mínútu uppbótartímans áður en Waldermar Anton gerði sigurmarkið fyrir Dortmund á lokasekúndunum.

Dortmund er í 6. sæti með 48 stig, aðeins þremur frá Meistaradeildarsæti þegar þrjár umferðir eru eftir. Freiburg leiðir enn baráttuna um 4. sætið eftir 1-0 sigur liðsins á Wolfsburg.

Fallbaráttulið Holsten Kiel vann heldur óvæntan 4-3 sigur á Borussia Mönchengladbach.

Kiel hefur ekki gefið upp von á að halda sæti sínu í deildinni, þó möguleikinn á því sé agnarsmár.

Heimamenn í Kiel komust í 2-0 en glutruðu forystunni á níu mínútna kafla í síðari. Armin Gigovic kom Kiel aftur í forystu en aftur jafnaði Gladbach.

Undir lok leiks tókst Shuto Machino að tryggja Kiel sigurinn með öðru marki sínu og lifir von Kiel-manna áfram. Kiel er í 17. sæti með 22 stig, þremur stigum frá umspili og átta stigum frá öruggu sæti.

Bayer 2 - 0 Augsburg
1-0 Patrik Schick ('13 )
2-0 Emiliano Buendia ('45 )

Bayern 3 - 0 Mainz
1-0 Leroy Sane ('27 )
2-0 Michael Olise ('40 )
3-0 Eric Dier ('84 )

Hoffenheim 2 - 3 Borussia D.
0-1 Serhou Guirassy ('20 )
0-1 Serhou Guirassy ('34 , Misnotað víti)
1-1 Adam Hlozek ('61 )
1-2 Julian Brandt ('74 )
2-2 Pavel Kaderabek ('90 )
2-3 Waldemar Anton ('90 )

Wolfsburg 0 - 1 Freiburg
0-1 Max Rosenfelder ('49 )
Rautt spjald: Maximilian Arnold, Wolfsburg ('26)

Holstein Kiel 4 - 3 Borussia M.
1-0 Shuto Machino ('15 )
2-0 Alexander Bernhardsson ('23 )
2-1 Tomas Cvancara ('60 )
2-2 Alassane Plea ('69 )
3-2 Armin Gigovic ('76 )
3-3 Franck Honorat ('86 )
4-3 Shuto Machino ('90 )

		L	U	J	T	ms:	mf:	mun	Stig
1	Bayern	32	26	5	1	116	35	+81	83
2	Dortmund	32	20	7	5	65	32	+33	67
3	RB Leipzig	32	19	5	8	63	42	+21	62
4	Leverkusen	32	17	7	8	66	43	+23	58
5	Stuttgart	32	17	7	8	66	46	+20	58
6	Hoffenheim	32	17	7	8	64	48	+16	58
7	Freiburg	32	12	8	12	45	53	-8	44
8	Frankfurt	32	11	10	11	57	60	-3	43
9	Augsburg	32	11	7	14	42	56	-14	40
10	Mainz	32	9	10	13	41	50	-9	37
11	Gladbach	32	8	11	13	37	50	-13	35
12	Hamburger	32	8	10	14	36	51	-15	34
13	Union Berlin	32	8	9	15	37	57	-20	33
14	Köln	32	7	11	14	47	55	-8	32
15	Werder	32	8	8	16	37	57	-20	32
16	Wolfsburg	32	6	8	18	42	67	-25	26
17	St. Pauli	32	6	8	18	27	55	-28	26
18	Heidenheim	32	5	8	19	38	69	-31	23