Manchester United óttast að vængmaðurinn Antony hafi hlotið sömu ökklameiðsli og héldu honum frá keppni síðustu tvo mánuði síðasta tímabils, þegar hann var hjá Ajax.
Antony fór af velli á börum og með tárin í augunum þegar hann meiddist í sigrinum gegn Chelsea í gær.
Antony fór af velli á börum og með tárin í augunum þegar hann meiddist í sigrinum gegn Chelsea í gær.
Þessi 23 ára leikmaður missti af síðustu átta leikjum Ajax á síðasta tímabili eftir að hafa meiðst í landsleik með Brasilíu.
Antony hefur skorað átta mörk síðan United keypti hann frá Ajax í september,
Sigurinn gegn Chelsea gerði það að verkum að United innsiglaði sæti í Meistaradeildinni á næsta tímabili en liðið mun mæta Manchester City í úrslitaleik FA-bikarsins eftir rúma viku.
„Antony hefur orðið betri og betri, þessi ökklameiðsli líta ekki vel út. Liðið er ekki með annan leikmann sem getur spilað eins og hann á hægri vængnum og hans verður saknað í úrslitaleiknum," segir Henning Berg, fyrrum leikmaður Manchester United, við BBC.
Athugasemdir