Elísa, sem er á mála hjá Íslandsmeisturum Vals, spilaði vinstri bakvörð. Hún spilar vanalega hægri bakvörð, en leysti nýja stöðu mjög vel í kvöld.

„Ég held ég hafi skilað mínu verki í dag nokkuð vel. Hægri eða vinstra megin, þetta á ekki að skipta rosalega miklu máli. Vinstri fóturinn var dreginn fram í dag og það gekk ágætlega," sagði Elísa í samtali við RÚV.

„Ég er mjög sátt við mitt dagsverk. Ég er líka með frábæra hausa inn í teig sem voru að pikka upp þessa bolta. Ég er mjög sátt."

„Við hefðum getað nýtt margar stöður betur á vellinum í dag. En við skoruðum fimm og héldum hreinu, þannig að við göngum sáttar frá borði."

Elísa var spurð hvort hún ætlaði að tileinka sér vinstri bakvarðarstöðuna núna. „Þjálfarinn velur liðið, en ég er alltaf klár."