Diego Maradona lést eftir að hafa fengið hjartaáfall þegar hann var sofandi en argentínskir fjölmiðlar greina frá þessu í dag.

Maradona fannst látinn á heimili sínu í gær. Johnny Esposito frændi Maradona var sá síðasti sem sá hann á lífi.

Maradona fór á sjúkrahús fyrir tveimur vikum þar sem hann fór í aðgerð til að fjarlægja blóðtappa í heila. Læknar hafa kíkt regllega heim til hans síðan þá og þeir læknar komu að honum í rúmi sínu í gær þar sem hann var látinn.