„Ég held að við munum standa okkur vel. Aðalmarkmiðið er að halda okkur uppi og vera ekki jó-jó lið," sagði Guðmundur Andri í viðtali á heimasíðu Start.

„Ég er með meira sjálfstraust núna og hlakka mikið til að byrja tímabilið. Það var gott að fá reynslu heima og skora mörk. Ég fékk meira sjálfstraust og kom sterkari og einbeittari hingað. Ég vona að ég fái sénsinn og ég vona að þetta verði mitt ár."

Tryggvi Guðmundsson, faðir Guðmundar Andra, spilaði með Stabæk í Noregi á sínum tíma og Norðmenn muna eftir honum. Guðmundur Andri segir markmiðið vera að gera betri hluti en faðir hans gerði á ferli sínum.

„Hann er góð fyrirmynd fyrir mig. hann segir mér alltaf hvar ég á að vera á vellinum og hvernig ég á að spila. Ég lít upp til hans," sagði Guðmundur Andri.

„Ég sagði alltaf við hann að ég yrði betri en hann. Það verður erfitt en það væri gaman ef ég gæti orðið betri en hann. Hann hefur mikla trú á mér og hann telur að ég geti orðið betri en hann var," sagði Guðmundur Andri.

Hér að neðan má sjá þetta skemmtilega innslag en þar ræðir Guðmundur Andri einnig hæfileika sína í eldhúsinu.