Wayne Rooney hefur verið partur af fjögurra manna þjálfarateymi Derby County í síðustu leikjum eftir að Phillip Cocu var látinn fara úr stjórastólnum. Liam Rosenior hefur farið fyrir Derby síðan þá en Rooney vill ólmur vera ráðinn sem bráðabirgðastjóri félagsins.
Eigendaskipti eru yfirvofandi hjá Derby og gæti farið sem svo að Rooney fái sitt fyrsta tækifæri sem knattspyrnustjóri og feti þannig í fótspor Steven Gerrard og Frank Lampard. Tilvonandi eigendur Derby eru þegar búnir að ráða Steve McClaren sem tæknilegan ráðgjafa.
Rooney verður við stjórnvölinn er Derby tekur á móti Wycombe Wanderers á morgun. Rosenior mun vera honum til aðstoðar ásamt Shay Given og Justin Walker.
Rooney mun ekki spila með Derby til að einbeita sér að þjálfarastöðunni og segist vera tilbúinn til að leggja skóna á hilluna ef honum býðst starf sem knattspyrnustjóri.
„Ég tel ekki ráðlegt að stýra liðinu sem maður spilar fyrir. Ef ég verð áfram partur af þjálfarateyminu þá mun ég halda áfram að spila en ef ég fæ stjórastöðuna þá mun ég leggja skóna á hilluna," sagði Rooney við Sky.
„Það hefur verið ruglingur í hópnum og okkur fannst eins og við þyrftum að hafa eina rödd í stað fjögurra. Ég hef verið valinn sem þessi eina rödd og er gríðarlega spenntur fyrir mínum fyrsta leik við stjórnvölinn."
Derby hefur gengið herfilega að undanförnu. Liðinu hefur ekki tekist að skora síðan í október og er búið að tapa fjórum leikjum í röð.
Derby situr á botni Championship deildarinnar með 6 stig eftir 13 umferðir.
Stöðutaflan
England
Championship - karlar
England
Championship - karlar
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 1 | Coventry | 44 | 26 | 11 | 7 | 90 | 44 | +46 | 89 |
| 2 | Ipswich Town | 43 | 22 | 13 | 8 | 75 | 45 | +30 | 79 |
| 3 | Millwall | 44 | 23 | 10 | 11 | 61 | 48 | +13 | 79 |
| 4 | Southampton | 44 | 21 | 13 | 10 | 77 | 53 | +24 | 76 |
| 5 | Middlesbrough | 44 | 21 | 13 | 10 | 65 | 44 | +21 | 76 |
| 6 | Wrexham | 44 | 19 | 13 | 12 | 66 | 60 | +6 | 70 |
| 7 | Hull City | 44 | 20 | 10 | 14 | 67 | 63 | +4 | 70 |
| 8 | Derby County | 44 | 19 | 9 | 16 | 63 | 55 | +8 | 66 |
| 9 | Norwich | 44 | 19 | 7 | 18 | 61 | 53 | +8 | 64 |
| 10 | Birmingham | 44 | 16 | 12 | 16 | 54 | 54 | 0 | 60 |
| 11 | Swansea | 44 | 17 | 9 | 18 | 53 | 57 | -4 | 60 |
| 12 | Bristol City | 44 | 16 | 11 | 17 | 56 | 57 | -1 | 59 |
| 13 | QPR | 44 | 16 | 10 | 18 | 59 | 67 | -8 | 58 |
| 14 | Sheffield Utd | 44 | 17 | 6 | 21 | 62 | 62 | 0 | 57 |
| 15 | Watford | 44 | 14 | 15 | 15 | 52 | 56 | -4 | 57 |
| 16 | Preston NE | 44 | 14 | 15 | 15 | 51 | 57 | -6 | 57 |
| 17 | Stoke City | 44 | 15 | 10 | 19 | 50 | 51 | -1 | 55 |
| 18 | West Brom | 44 | 13 | 13 | 18 | 47 | 56 | -9 | 52 |
| 19 | Blackburn | 45 | 13 | 13 | 19 | 42 | 55 | -13 | 52 |
| 20 | Portsmouth | 44 | 13 | 12 | 19 | 45 | 62 | -17 | 51 |
| 21 | Charlton Athletic | 44 | 12 | 14 | 18 | 41 | 54 | -13 | 50 |
| 22 | Oxford United | 44 | 10 | 14 | 20 | 41 | 56 | -15 | 44 |
| 23 | Leicester | 44 | 11 | 15 | 18 | 56 | 67 | -11 | 42 |
| 24 | Sheff Wed | 44 | 1 | 12 | 31 | 26 | 84 | -58 | -3 |
