Grindavík vann sinn fyrsta sigur síðan í lok maí í Pepsi Max-deildinni þegar liðið lagði lánlaust lið ÍBV 2-1 á Mustadvellinum í Grindavík í dag. Eyjamenn komust yfir snemma leiks og leiddu þegar flautað var til hálfleiks. Grindavík kom ákveðið til leiks í síðari hálfleik og hafði þegar yfir lauk skorað tvö mörk og tryggt sér sigur
Lestu um leikinn: Grindavík 2 - 1 ÍBV
„Ég er sammála því en mér fannst við samt byrja leikinn vel fram að markinu þeirra,“ Sagði Tufa um hvort leikur sinna manna í dag hafi verið leikur tveggja hálfleikja og hélt svo áfram. „Þegar markið kom og við lendum undir kemur smá panik í okkur og eins og eðlilegt er misstu menn sjálfstaustið . Við notuðum svo hálfleikin vel til að stíga upp og alvöru menn stíga upp þegar það er miklvægt og ég er að þjálfa alvöru menn."
Hinn spænski Primo framherji Grindavíkur þurfti að yfirgefa völlinn vegna meiðsla eftir að hafa jafnað leikinn fyrir Grindavík. Veit Tufa hver staðan er á honum?
„Nei ég get ekki sagt neitt. Ég veit ekki var hann að meiðast þegar hann var að fagna marki. Hann bara bað strax um skiptingu eftir að hafa skorað en ég held hann verði klár strax í næsta leik.“
Grindavík vann eins og áður sagði sinn fyrsta sigur síðan í lok maí.
Hver eru markmið liðins í næstu leikjum?
„Markmiðið er að horfa fram á við eins og höfum gert allan tímann. Sigurinn var kærkominn í dag við erum búnir að leggja gríðarlega vinnu í að ná í þennan sigur. Það hafa verið fullt af jafnteflisleikjum sem mér fannst við eiga að vinna en það er bara eins og ég sagði að horfa fram á við og undirbúa næsta leik á móti nýjum meisturum KR.“
Sagði Tufa en allt viðtalið má sjá hér að ofan.
Athugasemdir
