Úlfa Dísr kom til Stjörnunar frá FH fyrir tímabilið.
Úlfa Dís Kreye Úlfarsdóttir, leikmaður Stjörnunar í Pepsi Max deild kvenna, spilaði vel í 2-1 sigri Stjörnukvenna á Selfossi í kvöld. Úlfa Dís skoraði bæði mörk Stjörnunar.
Lestu um leikinn: Stjarnan 2 - 1 Selfoss
„Ég er bara ótrúlega sátt. Loksins small þetta, ég er búin að eiga nokkur skot í sumar en loksins kom þetta."
Úlfa var ánægð með spilamennsku síns liðs í kvöld.
„Mér fannst við vera skipulagðar og við töluðum vel saman og þetta var bara það sem við ætluðum okkur og það kom á endanum þó að við höfum lent undir, við vissum allan tíman að við myndum koma til baka."
Með sigrinum fer Stjarnan upp fyrir Selfoss í þriðja sæti deildarinnar. Úlfa Dís er ánægð með gengi liðsins í sumar og er bjartsýn á framhaldið.
„Mér finnst hún bara hafa verið mjög góð, það hefur ekki allt dottið með okkur en loksins er allt að koma"
„Mér líst bara mjög vel á framhaldið, ég mun styðja stelpurnar áfram því að ég er náttúrulega að fara út."
Úlfa Dís heldur út til Bandaríkjunum á morgun þar sem hún spilar í háskólaboltanum með Kentucky.
