Ólafur Þór Guðbjörnsson.
Ólafur Þór Guðbjörnsson, þjálfari Stjörnunnar, segist búast við hörkuleik gegn Selfyssingum í úrslitum í Borgunarbikar kvenna á laugardag.
,,Bæði liðin eru ofarlega í töflunni. Við lentum í hörkuleik á Selfossi í sumar. Þær eru búnar að standa sig geysilega vel í sumar og við líka. Þetta verður jafn og spennandi leikur," sagði Ólafur Þór við Fótbolta.net í dag.
,,Bæði liðin eru ofarlega í töflunni. Við lentum í hörkuleik á Selfossi í sumar. Þær eru búnar að standa sig geysilega vel í sumar og við líka. Þetta verður jafn og spennandi leikur," sagði Ólafur Þór við Fótbolta.net í dag.
Smávægileg meiðsli eru í herbúðum Stjörnunnar fyrir leikinn á laugardag.
,,Anna Björk (Kristjánsdóttir) fór út af gegn Val þar sem hún fann til í lærinu. Við eigum eftir að taka stöðuna á henni. Aðar eru að skríða saman."
,,Glódís (Perla Viggósdóttir) er búin að missa mikið úr og Marta (Carissimi) spilaði hálfan leik í síðasta leik. Við tökum stöðuna á morgun en ég vonast til að flestar verði með."
Ólafur Þór vonast til að Garðbæingar mæti á völlinn og styðji Störnuna.
,,Það hefur lítið farið fyrir stemningunni þar sem allir eru á San Siro að horfa á strákana. Það hefur tekið mesta athyglina í Garðabænum undanfarna daga. Ég vona að eftir leikinn í kvöld fari menn að átta sig á því að það er stórleikur á laugardaginn og menn mæti. Það er von á fjölda fólks frá Selfossi og við þurfum að fá jafnan stuðning í stúkunni."
Hér að ofan má sjá viðtalið í heild sinni.
Athugasemdir
