Gary Martin: Sumir kunna ekki að bera virðingu

Gary Martin skoraði mark ÍBV í leiknum en hann var ekki sáttur með það hvernig leikmenn Keflavíkur komu fram eftir leikinn.

Gary hefur gefið það út að hann muni yfirgefa ÍBV ef liðið kemst ekki upp í Pepsi Max-deildina á þessu tímabili, en eftir leikinn í dag eru litlar sem engar líkur á því að ÍBV fari upp. Einstaklingur að nafni Guðmundur Auðunn sagði við Gary á Twitter að honum væri velkomið að koma með Keflavík upp í efstu deild. Strákurinn frá Darlington afþakkaði boðið.

„Nei, sumir leikmenn kunna ekki að bera virðingu, þeir öskra eitthvað um mig, hlaupa svo inn í klefa og þora ekki að koma út," skrifar Gary á Twitter.

„Einn af leikmönnum Keflavíkur öskraði eitthvað eins og tík, hljóp í burtu og vildi ekki koma út þegar ég fór að leita að honum."

Sjá einnig:
Framtíð Gary Martin ræðst á því hvort ÍBV fer upp eða ekki