„Þegar það er ekki búið að klára mót, sérstaklega eins og í Pepsi Max-deild kvenna, þá er staðan þannig að þá eftir að klára ýmis mál. Það er það mikil óvissa og pakkinn er það þéttur og að þetta sé niðurstaðan er gífurleg vonbrigði."

Býst Guðni við því að FH verði í næstefstu deild á komandi leiktíð eða telur hann að reynt verði að fá í gegn fjölgun liða í efstu deild sökum þessara fordæmalausu tíma?

„Mér finnst þetta sé tímapunkturinn til að láta á það reyna að fjölga í tólf liða deild eins og karlarnir spila. Mér finnst það liggja við að sjá hvort það sé ekki grundvöllur fyrir því. Að skoða það út í ystu æsar finnst mér það sanngjarnasta í stöðunni."

Hefði mátt vera meiri sveigjanleiki á lokadagsetningu mótsins? KSÍ setti fram dagsetninguna 1. desember sem lokadagsetninguna til að klára mótið.

„Já mér finnst það hefði mátt skoða þessar dagsetningar og jafnvel spila áfram eftir áramót. Ég tel að það hefði veirð skynsemi í því að hafa aðeins víðari ramma en til 1. desember. Til þess að eyða þessari ósanngirni, það eru allir sammála um það að þetta er ekki sanngjarnt, en maður spyr sig af hverju?"

„Þarf maður að bíta í þetta súra epli, er það málið? Þetta eru tilfinningarnar sem maður er að upplifa núna. Maður er bara gríðarlega svekktur og maður sér aðra möguleika sem hefðu verið í stöðunni. Mér finnst eðlilegt og sanngjarnt að það sé skoðað að fjölga liðum," sagði Guðni að lokum.