Hörður Magnússon.
,,Þetta var draumi líkast að vinna þetta. Við erum búnir að vera að bíða eftir sigri og það var bara ljúft að ná að skora tvö mörk og klára leikinn svona," sagði Hörður Magnússon sem skoraði bæði mörk HK í 0-2 sigri á Fjölni í 1. deildinni í dag.
,,Við lágum aðeins meira til baka, við höfum reynt að sækja mikið. En við gáfum lítið færi á okkur og biðum eftir tækifæri til að klára leikinn og það tókst í dag."
Hörður fékk svo að taka vítaspyrnu í lokin en Hrafn Davíðsson markvörður Fjölnis varði frá honum.
,,Það var einhver þreyta í gangi, en ég var kominn með tvö mörk svo það þýðir ekkert að pæla í því þó ég hafi klúðrað þessu í dag."
