,,Þetta hafðist í lokin. Þetta var hörkuleikur eins og við áttum von á og góður sigur," sagði Guðrún Jóna Kristjánsdóttir þjálfari KR eftir 2-0 sigur liðsins á Aftureldingu í Pepsi-deild kvenna í kvöld.
,,Ég var ánægð með spilamennskuna á stórum köflum. Við byrjuðum vel og vorum mjög dóminerandi í fyrri hálfleik en í miðjum fyrri hálfleik komust þær aðeins inn í leikinn og áttu nokkur færi."
,,Í seinni hálfleik fannst mér bara eitt lið á vellinum þannig séð. Þær voru alltaf hættulegar fram á við en við vorum að halda honum vel, skapa færi og það var gott að við settum hann."
KR er eftir sigurinn í sjötta sæti deildarinnar og liðið stefnir hærra.
,,Við höldum aðeins upp í efri hlutann og það er það sem við viljum. Við ætlum að halda áfram, við tökum einn leik fyrir í einu og það er að hugsa um næsta leik."
Hér að ofan má sjá viðtalið í heild sinni.
