Kristján Ari Halldórsson.
,,Þetta var mjög gaman, kominn tími til að taka loksins þrjú stig eftir ég veit ekki hvað mörg jafntefli í röð. Þetta var æðislegt og líka að setja hann. Ég er búinn að setja hann í stangirnar alveg hvað eftir annað, svo það var frábært að sjá hann inni í fyrri hálfleik og svo setti ég hann aftur og náði að setja nokkrar sendingar þarna. Þetta var bara toppdagur fyrir mig," sagði Kristján Ari Halldórsson sem var frábær í 5-1 sigri ÍR á Njarðvík í kvöld.
Kristján Ari skoraði tvö mörk í leiknum, lagði upp önnur tvö og var stöðugt að gefa eitraðar sendingar innfyrir vörn Njarðvíkur.
,,Ég er alltaf mjög mikið að horfa í kringum mig. Ég er ekki eins og allir þessir markaskorarar sem hugsa bara um sjálfan sig. Það er gaman að geta lagt upp á hina líka.
,,Það er líka frábært að geta náð fimm mörkum. Við erum ekki með neitt spes markatölu og urðum að skora mikið. Það var gott að þetta var að detta fyrir okkur í dag og við náðum að fara í plús í markatölu."
Nánar er rætt við Kristján Ara í sjónvarpinu að ofan.
