Heimild: RÚV
Jóel var ofarlega á blaði í valinu á manni leiksins á mánudaginn.
Boltastrákurinn Jóel Freyr Ingason vakti mikla lukku meðal Víkinga á mánudagskvöldið.
Jóel var fljótur að hugsa og kom boltanum til Óttars Magnúsar Karlssonar sem skoraði í kjölfarið í autt net FH-inga í leik sem endaði með 4-1 sigri Víkinga.
Jóel var fljótur að hugsa og kom boltanum til Óttars Magnúsar Karlssonar sem skoraði í kjölfarið í autt net FH-inga í leik sem endaði með 4-1 sigri Víkinga.
Arnar Gunnlaugsson hrósaði Jóel í viðtali eftir leik. „Mér fannst þetta bara geggjað. Boltastrákurinn var mjög fljótur að hugsa, sendir á Óttar sem sér að markið er autt og sendir hann í markið. Ég myndi kvarta sem FH-ingur en frá mér séð var þetta hrikalega flott mark og vel að verki staðið - bæði hjá boltadrengnum og Óttari. Hann fær einhvern hamborgara hjá okkur,“ sagði Arnar við RÚV í fyrradag.
Aðspurður um loforð Arnars segir Jóel: „Næst þegar ég sé hann þá segi ég að ég á hamborgara hjá honum.“
Nánar er rætt við Jóel á vef RÚV.
Athugasemdir
