Xhaka ekki með Arsenal á morgun

Unai Emery, stjóri Arsenal, staðfesti á fréttamannafundi nú rétt í þessu að Granit Xhaka verði ekki með liðinu gegn Wolves í ensku úrvalsdeildinni á morgun.

Eins og flestir vita var baulað á Xhaka þegar hann var tekinn af velli í jafnteflisleik gegn Crystal Palace um síðustu helgi. Xhaka brást reiður við, sendi merkjagjöf í átt að stúkunni og kallaði 'fokk off'. Hann reif sig svo úr treyjunni áður en hann óð beint inn í klefa.

Stuðningsmenn Arsenal voru allt annað en sáttir við hegðun fyrirliðans og kallað hefur verið eftir því að hann verði sviptur fyrirliðabandinu.

Emery vildi ekki tjá sig um það á fréttamannafundi í dag hvort Xhaka verði áfram fyrirliði en hann spilar ekki á morgun.

Xhaka sendi sjálfur frá sér yfirlýsingu í gær þar sem hann útskýrði sína hlið á málinu. Þar sagðist hann vonast eftir að geta náð að endurnýja sambandið við stuðningsmenn Arsenal.