Gianni Infantino, forseti FIFA, ætlar að biðja öll aðildarríki FIFA um að endurskíra að minnsta kosti einn leikvang í höfuðið á brasilísku goðsögninni Pele.
Pele lést í síðustu viku eftir erfiða baráttu við veikindi. Hann var 82 ára gamall.
Pele er ein mesta goðsögn í sögu fótboltans en honum tókst að hjálpa Brasilíu að vinna heimsmeistaramótið í þrjú skipti.
Infantino, hinn umdeildi forseti FIFA, er núna staddur í Brasilíu þar sem hann verður viðstaddur jarðarför Pele. Hann sagði við fréttamenn þar í landi að hann ætlaði að biðja öll aðildarríki FIFA um að endurskíra einn völl í höfuðið á brasilísku goðsögninni.
Það er spurning hvort við fáum Pele-völlinn hér á Íslandi, og hvaða völlur það verður ef það gerist.
Athugasemdir
