Schweinsteiger hrósaði Makedónum á Twitter

Það var voðalega vinsælt að hrauna yfir þýska landsliðið á samfélagsmiðlum eftir leikinn en Schweinsteiger fór aðra leið, hann ákvað að hrósa Makedónum og benti á ýmsa hluti sem fóru framhjá einhverjum áhorfendum.

„Mín virðing fer til Norður-Makedóna. Þeir voru óheppnir að fá víti dæmt gegn sér, óheppnir að fá ekki augljósa vítaspyrnu dæmda og samt vinna þessir strákar gegn fjórföldum heimsmeisturum," skrifaði Schweinsteiger á Twitter.

Liðin eru með Íslandi í áhugaverðum undanriðli þar sem Armenía trónir á toppnum með fullt hús stiga.