Arsenal vann afskaplega þægilegan sigur í ensku úrvalsdeildinni í dag er liðið mætti Newcastle á St. James' Park.

Arsenal stefnir enn að því að komast í Evrópusæti og er nú fjórum stigum frá því eftir sannfærandi sigur á útivelli.

Fyrsta mark leiksins kom úr óvæntri átt en Mohamed Elneny skoraði þá eftir sex mínútur fyrir gestina.

Staðan var 1-0 þar til á 66. mínútu er Pierre-Emerick Aubameyang tvöfaldaði forystu Arsenal.

Newcastle skapaði virkilega takmarkað af færum í þessum leik og eru úrslitin því sanngjörn að lokum.

Undir lok leiksins fékk varnarmaðurinn Fabian Schar að líta beint rautt spjald og kláruðu heimamenn leikinn með tíu menn.

Newcastle er í 17. sæti deildarinnar en þó níu stigum frá fallsæti.