„Þetta er leikur sem við höfum verið að bíða lengi eftir," segir Sara Björk Gunnarsdóttir um toppslaginn gegn Skotlandi ytra á morgun. Bæði lið eru með fullt hús og Ísland stígur stórt skref í að tryggja sér sæti í lokakeppninni með sigri.
„Við þurfum að spila virkilega skipulagðan og agaðan varnarleik. Pressan okkar þarf að vera fullkomin og við verðum að vinna návígin. Þær hafa spilað vel og náð flottum úrslitum. Við vitum vel hve góðar þær eru."
Sara Björk hefur samið við Wolfsburg eins og flestir lesendur vita en um er að ræða risafélag í kvennafótboltanum.
„Þetta er klárlega skref fram á við. Wolfsburg er stærri klúbbur og betra lið en Rosengård. Ég held að þetta sé rétti tímapunkturinn fyrir mig að skipta um lið. Næstu fimm ár eru mjög mikilvæg, það eru þessi ár sem ég vil vera að halda áfram að bæta mig. Það verður mikil samkeppni sem ég þurfti á að halda."
Viðtalið má sjá í heild í sjónvarpinu her að ofan.
Athugasemdir
