Andy Gray, fyrrum sóknarmaður Everton, finnst það skondið að Liverpool hafi ráðið sérstakan þjálfara fyrir innköst.
Daninn Thomas Gronnemark mun vinna með aðallinu í vetur í hlutastarfi. Gronnemark kann ýmislegt fyrir sér í þessum fræðum og á heimsmetið fyrir lengsta innkastið, 51,33 metra.
Gray, sem er fyrrum leikmaður nágranna Liverpool í Everton, finnst það mjög fyndið að Liverpool sé með sérstakan þjálfara fyrir innköst.
„Ég veit hvernig þú getur nýtt þér innköst, hentu boltanum á liðsfélaga. Það er númer eitt, númer tvö væri að ná stjórn á boltanum. Kannski fáum við að sjá Andy Robertson standa á haus og taka innkastið þannig," sagði Gray sem var að vinna fyrir Bein Sports.
„Hérna er smá kennsla. Taktu boltann upp, réttu hann út fyrir aftan hausinn, hentu honum á liðsfélaga og stattu í báðar fæturnar á meðan þú gerir það."
„Ég vil vera fyrsti þjálfarinn sem kennir upphafsspörk," sagði Gray svo.
"I want to be the first kick-off coach"
— beIN SPORTS (@beINSPORTS) September 1, 2018
Andy Gray ridicules Jurgen Klopp for hiring a throw-in coach. #beINPL #LEILIV pic.twitter.com/eHZSL6jbxA
Athugasemdir
