Pep Guardiola, stjóri Manchester City, sagði frá því á fréttamannafundi í dag að miðvörðurinn Aymeric Laporte hefði tekið þátt í æfingum með liðsfélögum sínum í þessari viku.

Laporte er lykilmaður hjá City og hefur hans verið sárt saknað þá fjóra mánuði sem hann hefur misst út vegna hnémeiðsla sem hann hlaut í ágúst.

Hann er mættur aftur út á æfingasvæðið en það er þó enn nokkuð í að hann snúi aftur á keppnisvöllinn.

„Hann var með í tíu mínútur í gær og í tíu mínútur í dag," segir Guardiola. „Við vitum ekki nákvæmlega hvenær hann snýr aftur en góðu fréttirnar eru þær að hann er á réttri leið. Það hafa ekki komið nein bakslög."