Kevin De Bruyne og Varane til Saudi Arabíu - Solanke til West Ham - Chelsea vill Ramsdale frá Arsenal
banner
   þri 03. janúar 2023 11:08
Sæbjörn Þór Þórbergsson Steinke
Neville: Er Chelsea að borga 127 milljónir fyrir Enzo? Það er helvítis upphæð
Valinn besti ungi leikmaður HM.
Valinn besti ungi leikmaður HM.
Mynd: EPA
Gary Neville.
Gary Neville.
Mynd: Getty Images
Chelsea er sterklega orðað við Enzo Fernandez, 21 árs miðjumann Benfica og argentínska landsliðsins. Enzo kom vel inn í lið Argentínu á HM og hefur verið orðaður við nokkur stór félög undanfarinn mánuð.

Í portúgölskum fjölmiðlum segir að Chelsea hafi boðið 112 milljónir punda í miðjumanninn, sem er meira en þær 106 milljónir punda sem er riftunarákvæði leikmannsins. Chelsea er sagt ætla að borga Enzo í þremur 37,3 milljón punda greiðslum á næstu þremur árum.

Gary Neville las um tilboð Chelsea og fór í kjölfarið á Twitter. Þar skrifar hann:

„Er Chelsea að borga 127 milljónir evra fyrir Enzo Fernandez? Það er helvítis upphæð. Mjög góður leikmaður en það er djöfulli mikið!"

Fylgjendur Neville hafa skotið til baka og minna Neville á að United borgaði 85 milljónir punda fyrir Antony á lokadegi félagaskiptagluggans í sumar og kaupin á Paul Pogba sumarið 2016.


Athugasemdir
banner
banner
banner
banner