Tvö Íslendingalið mættu til leiks í efstu deild skoska boltans í dag og var Tómas Bent Magnússon í byrjunarliði Hearts.
Hearts tók á móti Livingston og lék Tómas Bent í 86 mínútur áður en honum var skipt af velli.
Hearts var sterkara liðið og vann verðskuldaðan 1-0 sigur. Tómas og félagar eru á toppi skosku deildarinnar, með sex stiga forystu á stórveldi Celtic og Rangers. Hearts á 44 stig eftir 20 umferðir.
Á sama tíma var Kjartan Már Kjartansson ónotaður varamaður í tapi Aberdeen á útivelli gegn Falkirk.
Falkirk var talsvert sterkari aðilinn og verðskuldaði sigurinn. Tvö stig skilja liðin að um miðja deild, í baráttunni um 6. sætið eftirsótta fyrir tvískiptingu deildarinnar.
Hearts 1 - 0 Livingston
Falkirk 1 - 0 Aberdeen
Athugasemdir
