Mikel Arteta þjálfari Arsenal var spurður út í framtíð Ethan Nwaneri og Leandro Trossard. Nwaneri hefur fengið afar lítinn spiltíma á tímabilinu og er Trossard aðeins með eitt og hálft ár eftir af samningi.
Nwaneri hefur verið orðaður við ýmis félög í úrvalsdeildinni sem vilja fá hann á lánssamningi út tímabilið, en Arteta virðist ekki spenntur fyrir að lána táninginn út.
Nwaneri er 18 ára sóknartengiliður sem hefur aðeins komið við sögu í 11 leikjum á tímabilinu, og skorað eitt mark. Hann kom að 11 mörkum í 37 leikjum á síðustu leiktíð.
„Allir leikmenn í hópnum eru mjög mikilvægir og eru með sitt hlutverk. Hlutverkið er breytilegt eftir aðstæðum hverju sinni og allir leikmenn hópsins verða alltaf að vera tilbúnir til að spila," sagði Arteta þegar hann var spurður út í Nwaneri.
Hann var næst spurður út í Trossard sem skrifaði undir nýjan samning við Arsenal síðasta sumar. Í honum fólst ekki nein framlenging heldur einungis launahækkun, en Trossard er 31 árs gamall.
„Við erum mjög ánægðir með hann (Trossard), honum líður vel hérna. Hann er búinn að bæta sig gífurlega mikið á milli tímabila, hann er rosalega gáfaður leikmaður og hann er að reynast virkilega mikilvægur. Þetta er leikmaður sem getur skapað eitthvað upp úr engu eins og töframaður."
Stöðutaflan
England
Premier league - karlar
England
Premier league - karlar
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 1 | Arsenal | 20 | 15 | 3 | 2 | 40 | 14 | +26 | 48 |
| 2 | Aston Villa | 20 | 13 | 3 | 4 | 33 | 24 | +9 | 42 |
| 3 | Man City | 19 | 13 | 2 | 4 | 43 | 17 | +26 | 41 |
| 4 | Liverpool | 19 | 10 | 3 | 6 | 30 | 26 | +4 | 33 |
| 5 | Chelsea | 19 | 8 | 6 | 5 | 32 | 21 | +11 | 30 |
| 6 | Man Utd | 19 | 8 | 6 | 5 | 33 | 29 | +4 | 30 |
| 7 | Sunderland | 19 | 7 | 8 | 4 | 20 | 18 | +2 | 29 |
| 8 | Brighton | 20 | 7 | 7 | 6 | 30 | 27 | +3 | 28 |
| 9 | Everton | 19 | 8 | 4 | 7 | 20 | 20 | 0 | 28 |
| 10 | Brentford | 19 | 8 | 3 | 8 | 28 | 26 | +2 | 27 |
| 11 | Crystal Palace | 19 | 7 | 6 | 6 | 22 | 21 | +1 | 27 |
| 12 | Fulham | 19 | 8 | 3 | 8 | 26 | 27 | -1 | 27 |
| 13 | Tottenham | 19 | 7 | 5 | 7 | 27 | 23 | +4 | 26 |
| 14 | Newcastle | 19 | 7 | 5 | 7 | 26 | 24 | +2 | 26 |
| 15 | Bournemouth | 20 | 5 | 8 | 7 | 31 | 38 | -7 | 23 |
| 16 | Leeds | 19 | 5 | 6 | 8 | 25 | 32 | -7 | 21 |
| 17 | Nott. Forest | 20 | 5 | 3 | 12 | 19 | 33 | -14 | 18 |
| 18 | West Ham | 20 | 3 | 5 | 12 | 21 | 41 | -20 | 14 |
| 19 | Burnley | 20 | 3 | 3 | 14 | 20 | 39 | -19 | 12 |
| 20 | Wolves | 20 | 1 | 3 | 16 | 14 | 40 | -26 | 6 |
Athugasemdir
