Frakklandsmeistarar PSG, sem hömpuðu langþráðum Meistaradeildartitil á dögunum, eru í leit að nýjum miðverði fyrir næstu leiktíð.
Úkraínski miðvörðurinn Illya Zabarnyi er meðal allra efstu manna á óskalista PSG. Hann hefur verið lykilmaður í sterku liði Bournemouth.
Zabarnyi verður 23 ára gamall í september og hefur verið mikilvægur hlekkur undir stjórn Andoni Iraola.
Fabrizio Romano segir að PSG sé byrjað að ræða við Bournemouth um kaup á leikmanninum en stjórnendur Bournemouth vilja helst ekki selja.
Bournemouth er nú þegar búið að missa Dean Huijsen í sumar og þá er Milos Kerkez að öllum líkindum á leið til Liverpool. Að missa þriðja varnarmanninn væri afar erfitt.
Luis Campos hjá PSG hefur fylgst náið með framförum Zabarnyi á undanförnum árum og er sannfærður um að þetta sé rétti tíminn til að festa kaup á honum.
Zabarnyi er þó með fjögur ár eftir af samningi sínum við Bournemouth. Hann er sagður vera efstur á þriggja manna óskalista PSG fyrir miðvarðarstöðuna.
Marquinhos, Willian Pacho, Lucas Beraldo og Presnel Kimpembe eru miðverðir félagsins sem stendur.
Athugasemdir
