Hermann Hreiðarsson er á sínu fyrsta tímabili sem þjálfari HK.
HK vann 4-1 sigur á Selfyssingum Í Kórnum fyrr í kvöld. Hermann Hreiðarsson, þjálfari HK mætti ánægður í viðtal eftir leik.
Lestu um leikinn: HK 4 - 1 Selfoss
„Selfoss fá færi í byrjun og eru ákveðnari. Þegar við skorum fyrsta markið snýst leikurinn. Ágætis frammistaða en auðvitað vill maður alltaf meira."
HK vann sterkan 0-3 útisigur á Keflavík í síðustu umferð.
„Til að þetta telji í Keflavík, þurftum við að fá þrjú stig hér í kvöld. Við vorum staðráðnir í því að gera Kórinn að vígi, viljum að fólk hati að koma hingað. Þú verður að gera það með úrslitum, þetta er að stefna í rétta átt."
Arnar Freyr Ólafsson markvörður HK fór út af velli vegna meiðsla í kálfa.
„Þetta er tognun í kálfa telja menn. Þetta ætti ekki að vera of langur tími."
„Við vonum að meiðslin séu ekki slæm. Arnar átti stóran þátt í þessum sigri, hann varði vel í byrjun leiks."
Viðtalið má sjá í heild sinni í spilaranum hér að ofan.
Athugasemdir
