Fótbolti.net

Víkingar fara til Danmerkur - „Fínt að fara aðeins nær en að vera fara til Kósóvó eða Albaníu"

Miklu meira álag á Val en Zalgiris - „Að komast áfram er ekki bara fyrir okkur“

Sölvi Geir: Erum komnir í törn sem er virkilega skemmtileg en á sama tíma krefjandi

Danni Hafsteins: Bara geggjað, alltaf gaman í Köben

Jón Óli: Hrikalega sár og svekktur

Kom Adam á óvart að hafa ekki byrjað - „Ég get ekkert sagt“

Þjálfari Silkeborg: Þetta er ekki léttir heldur gleði

Nik: Ég myndi ekki segja að ég væri stoltur

Hallgrímur Mar: Þeir skoruðu eitthvað ógeðslegt mark sem tryggði þeim sigur

Haddi Jónasar: Hefðum átt að vinna - Klúðrum þremur dauðafærum í framlengingunni

Heimsóknin - KFA og Höttur/Huginn

Þjálfari Silkeborg: Dáist að aganum í leik KA

Fyrirliði Silkeborg: Kom mér smá á óvart að þeir æfa ekki eins og atvinnumannalið

Haddi Jónasar: Það er komin alvöru pressa á þá

Langþráður draumur KA manna rætist - „Loksins erum við komnir heim; upp á Brekku"

Gísli Gotti: Maður upplifir ekki oft svona leiki en þetta var ekkert eðlilega gaman

Bjarni Jó: Er það ekki svona sem við viljum hafa þetta?

Alli Jó: Ekki skemmtilegur leikur fyrir hlutlausan

Gabríel Aron: Það er mín upplifun

Gabríel Snær: Þeir segja að það sé algjört rugl að fara þangað

fim 05. júní 2025 08:00

Elvar Geir Magnússon
Glasgow

Hörður Björgvin himinglaður - „Maður sá ekki til sólar og það var mjög dimmt yfir“

Hörður á æfingu landsliðsins í Skotlandi.

Mynd: KSÍ

Hörður gæti spilað sinn 50. landsleik á föstudaginn.

Mynd: Fótbolti.net - Hafliði Breiðfjörð

Varnarmaðurinn Hörður Björgvin Magnússon er kominn aftur af stað eftir erfið meiðsli og er í landsliðshópnum sem mætir Skotlandi og Norður-Írlandi í vináttulandsleikjum. Hörður hefur ekki spilað landsleik síðan í september 2023 en gæti spilað sinn 50. leik á föstudaginn, þegar Skotland og Ísland mætast í Glasgow.

„Það er mjög góð tilfinning að vera mættur aftur og maður er þakklátur eftir allan þennan tíma að fá tækifæri til að stíga aftur á fótboltavöllinn. Ég er himinglaður," segir Hörður en hann spjallaði við Fótbolta.net á hóteli landsliðsins í Skotlandi.

„Ég er búinn að ganga í gegnum langan og erfiðan tíma. Ég þurfti að fara í aðra aðgerð því sú fyrri gekk ekki vel. Seinni aðgerðin tókst rosalega vel og allt lagað sem þurfti að laga og hér er ég í dag og geng glaður um."

Hörður sleit krossband í hné og varð síðan fyrir bakslagi. Hann viðurkennir að þessi erfiði tími hafi tekið á andlega.

„Heldur betur. Maður sá ekki til sólar og það var mjög dimmt yfir manni. Ég hafði samt marga góða að sem hjálpuðu mér helling að komast í gegnum þetta allt. Hausinn á mér er sterkur og ég vissi að ljósið myndi koma."

Hörður hefur getað æft að fullu í um þrjá mánuði og kom við sögu með Panathinaikos í lokaumferð grísku deildarinnar en hann lék síðustu tólf mínúturnar gegn Olympiakos í síðasta mánuði. Mikið hefur verið rætt um skort á varnarmönnum í íslenska landsliðinu og Hörður segist klár í að spila í komandi landsleikjum.

„Annars væri ég ekki hér. Ég er 100% klár og ef kallið kemur og ég fæ mínútur þá tek ég þær. Ég er hér og að æfa á fullu svo ég gef kost á mér."

Útilokar að koma til Íslands
Samningur Harðar við Panathinaikos er runninn út og hann hefur yfirgefið félagið. Hann er því félagslaus og eðlilegt að spyrja hvar hann verði á næsta tímabili?

„Ég útiloka það allavega að koma til Íslands," segir Hörður og brosir. „Ég veit að Framarar hafa áhuga. Ég er 32 ára og í toppstandi. Ég á nokkur ár eftir og líður vel, ég ætla að reyna að halda mér erlendis."

Hörður segir möguleika á því að hann verði áfram í Grikklandi en hægt er að horfa á viðtalið í heild hér að ofan. Þar tjáir Hörður sig meðal annars um Arnar Gunnlaugsson landsliðsþjálfara og um spennuna fyrir því að vera aftur með íslenska landsliðinu á leikdegi.