„Leon er afskaplega spennandi ungur sóknarleikmaður sem býr yfir miklum hraða og sköpunarmætti," segir Dean Smith, stjóri Villa.

„Það verður spennandi að sjá hann sýna hæfni sína og hæfileika með Aston Villa í ensku úrvalsdeildinni."

Bailey segist sjálfur vera mættur til að skemmta og gleðja stuðningsmenn en hann er þriðji leikmaðurinn sem Villa fær í sumar. Áður hafði félagið fengið Emil Buendía frá Norwich og Ashley Young frá Inter.