Chelsea, Tottenham og Liverpool hafa talað um að hleypa ekki leikmönnum í landsliðsverkefni síðar í þessum mánuði ef leikmenn þurfa að fara í sóttkví við komuna til baka.

Pep Guardiola, stjóri Manchester City, hefur nú tekið undir þetta sjónarmið. Hann segir að þeir leikmenn City sem þurfi að fara í sóttkví muni ekki stíga upp í flugvél.

Hann segir að það sé ekki glóra í því að leyfa leikmönnum að fara nema þeir geti farið í landsleiki og spilað svo með Man City þegar þeir koma til baka.