Spænski sóknartengiliðurinn Juan Manuel Mata er að gera það gott með Melbourne Victory í Ástralíu en hann skoraði eitt af mörkum tímabilsins í morgun.
Mata kom til Victory í september á síðasta ári og hefur síðan þá komið að fjórtán mörkum í áströlsku deildinni.
Á dögunum skoraði hann tvö frábær mörk í grannaslag og þá gerði hann glæsimark í 2-2 jafntefli gegn Sydney FC í dag.
Spánverjinn, sem lék áður með ensku félögunum Chelsea og Manchester United, klíndi aukaspyrnu í samskeytin og kom sínu liði í 1-0 forystu. Geggjað mark hjá Mata sem má sjá hér fyrir neðan.
Victory er i 5. sæti deildarinnar með 29 stig, ellefu stigum frá toppliði Newcastle Jets.
Juan Mata has STILL got it at 37 years-old. What a free kick for Melbourne. ????????????pic.twitter.com/nOrUILkCr4
— (fan) Frank ???????????? (@FrankEra_) March 7, 2026
Athugasemdir



