Trent Alexander-Arnold
Spænska blaðið Marca er ekki sannfært þegar það kemur að Trent Alexander-Arnold og ákvörðun Real Madrid að fá hann frá Liverpool.
Trent kom á frjálsri sölu síðasta sumar og verið að vinna sig inn í hlutina hjá Madrídingum.
Meiðsli hafa haldið honum frá velli í mörgum leikjum en þetta hefur verið upp og ofan hjá honum og virðist skipta öllu máli hvort hann sé með boltann eða án hans.
Hann átti sök í markinu sem Real Madrid fékk á sig í 2-1 sigrinum á Celta Vigo í gær, en blaðamaður Marca var í hálfgerðu áfalli með varnarleik Englendingsins.
„Guð minn góður Trent, þvílík varnarframmistaða frá enska leikmanninum í þessu marki, ef varnarleik má kalla. Hægur, úr stöðu og algerlega týndur í teignum,“ sagði miðillinn.
„Þetta er Trent, sá sem kom stöðunni í 1-1, spilaði illa í vörninni og sá sami og átti frábæra sendingu á Vinicius í skotinu sem hafnaði í stönginni. Það er gjörólíkt þegar hann er með boltann og þegar hann er án hans.“
Þegar Trent lék með Liverpool var varnarleikur hans oft til umræðu í ensku miðlunum, en ótrúlegir hæfileikar hans fram á við bættu það upp, að mestu.
Future Ballon d’Or winner Trent defending
— ???? (@TheImmortalKop) March 6, 2026
pic.twitter.com/eDKPYWUL3m
Athugasemdir
