Preston 1 - 3 Oxford
0-1 Michal Helik ('5)
1-1 Milutin Osmajic ('12)
1-2 Will Lankshear ('55)
1-3 Ciaron Brown ('61)
0-1 Michal Helik ('5)
1-1 Milutin Osmajic ('12)
1-2 Will Lankshear ('55)
1-3 Ciaron Brown ('61)
Preston North End tók á móti Oxford United í eina leik gærkvöldsins í Championship deildinni á Englandi og náðu gestirnir forystunni snemma leiks. Michal Helik skoraði þá eftir hörmulegan varnarleik Preston í föstu leikatriði.
Milutin Osmajic var fljótur að jafna fyrir heimamenn með skalla eftir fyrirgjöf og ríkti jafnræði með liðunum í opnum fyrri hálfleik.
Staðan var 1-1 í hálfleik og náðu gestirnir forystunni á nýjan leik í síðari hálfleik. Will Lankshear skoraði með lúmsku skoti utan vítateigs sem fór í gegnum þvöguna án þess að breyta um stefnu og plataði þannig markvörð heimamanna og tvöfaldaði Ciaron Brown forystuna skömmu síðar.
Brown skoraði eftir langt innkast á 61. mínútu og fundu heimamenn í Preston aldrei leið aftur inn í leikinn. Þeir héldu boltanum nánast allan seinni hálfleikinn án þess að skapa sér mikið af tækifærum gegn skipulögðum gestum.
Þetta er gríðarlega dýrmætur sigur fyrir Oxford sem klifrar upp úr fallsæti eftir tvo sigra í röð. Liðið er með 35 stig eftir 36 umferðir og er í harðri fallbaráttu við West Bromwich Albion og Leicester þessa stundina.
Oxford endaði sjö stigum fyrir ofan fallsvæðið í fyrra á sínu fyrsta tímabili eftir endurkomu í Championship deildina og vonast stjórnendur félagsins til að forðast fall annað ár í röð.
Blackburn Rovers, Portsmouth og Charlton Athletic eru í næstu sætum fyrir ofan og gætu sogast með í fallbaráttuna ef illa gengur í næstu leikjum.
Preston er um miðja deild með 49 stig, átta stigum frá umspilssæti. Liðið er aðeins búið að vinna einn deildarleik af síðustu tíu.
Stöðutaflan
England
Championship - karlar
England
Championship - karlar
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 1 | Coventry | 39 | 24 | 8 | 7 | 81 | 40 | +41 | 80 |
| 2 | Middlesbrough | 39 | 20 | 11 | 8 | 59 | 37 | +22 | 71 |
| 3 | Ipswich Town | 38 | 19 | 12 | 7 | 67 | 39 | +28 | 69 |
| 4 | Millwall | 39 | 20 | 9 | 10 | 53 | 44 | +9 | 69 |
| 5 | Hull City | 39 | 20 | 6 | 13 | 62 | 57 | +5 | 66 |
| 6 | Southampton | 39 | 17 | 12 | 10 | 63 | 48 | +15 | 63 |
| 7 | Wrexham | 39 | 17 | 12 | 10 | 60 | 51 | +9 | 63 |
| 8 | Derby County | 39 | 17 | 9 | 13 | 56 | 48 | +8 | 60 |
| 9 | Watford | 39 | 14 | 14 | 11 | 50 | 46 | +4 | 56 |
| 10 | Norwich | 39 | 16 | 6 | 17 | 52 | 46 | +6 | 54 |
| 11 | Birmingham | 39 | 14 | 11 | 14 | 48 | 49 | -1 | 53 |
| 12 | QPR | 39 | 15 | 8 | 16 | 55 | 61 | -6 | 53 |
| 13 | Preston NE | 39 | 13 | 13 | 13 | 45 | 49 | -4 | 52 |
| 14 | Swansea | 39 | 15 | 7 | 17 | 44 | 49 | -5 | 52 |
| 15 | Stoke City | 39 | 14 | 9 | 16 | 46 | 43 | +3 | 51 |
| 16 | Bristol City | 39 | 14 | 9 | 16 | 49 | 50 | -1 | 51 |
| 17 | Sheffield Utd | 39 | 15 | 5 | 19 | 54 | 54 | 0 | 50 |
| 18 | Charlton Athletic | 39 | 12 | 12 | 15 | 36 | 46 | -10 | 48 |
| 19 | Blackburn | 39 | 11 | 10 | 18 | 36 | 49 | -13 | 43 |
| 20 | West Brom | 39 | 11 | 10 | 18 | 40 | 54 | -14 | 43 |
| 21 | Portsmouth | 38 | 10 | 10 | 18 | 37 | 54 | -17 | 40 |
| 22 | Leicester | 39 | 11 | 12 | 16 | 51 | 60 | -9 | 39 |
| 23 | Oxford United | 39 | 9 | 12 | 18 | 36 | 51 | -15 | 39 |
| 24 | Sheff Wed | 39 | 1 | 9 | 29 | 24 | 79 | -55 | -6 |
Athugasemdir
