Kamerúnski markvörðurinn Andre Onana mun líklega ekki vera áfram hjá Trabzonspor í Tyrklandi en félagið er ekki reiðubúið að greiða verðmiðann sem Manchester United hefur sett á leikmanninn.
Man Utd sótti Senne Lammens frá Antwerp síðasta sumar til að taka við markvarðarstöðunni af Onana sem hafði átt tvö vonbrigðatímabil með United.
Onana hélt til Trabzonspor á láni og hefur staðið sig nokkuð vel á tímabilinu, en félagið er ekki að íhuga að gera skiptin varanleg á þessari stundu.
Zeyyat Kafkas, varaforseti Trabzonspor, tjáði Gunebakis að verðmiði Man Utd sé ekki raunhæfur fyrir tyrkneska félagið og því allar líkur á því að hann fari aftur til United í sumar.
Talið er að Onana vilji endurheimta markvarðarstöðuna hjá United á næstu leiktíð.
Athugasemdir
