Weston McKennie
Bandaríski landsliðsmaðurinn Weston McKennie var ekki í hópnum hjá liðinu gegn Kanada í nótt eftir að hann braut sóttvarnarreglur landsliðsins. Þetta kemur fram á heimasíðu sambandsins og greinir þá leikmaðurinn einnig frá þessu á samfélagsmiðlum.
McKennie er burðarstólpi í landsliði Bandaríkjanna en þessi 23 ára gamli leikmaður Juventus var ekki með liðinu í 1-1 jafnteflinu gegn Kanada.
Hann braut sóttvarnarreglur landsliðsins og var tekinn úr hóp fyrir leikinn en leikmaðurinn hefur beðist afsökunar á því á Instagram.
„Því miður þá er ég í banni fyrir leikinn vegna brots á sóttvarnarreglum liðsins. Ég biðst afsökunar á hegðun minni og ég mun styðja liðið í kvöld og vonandi get ég spilað með liðinu á næstunni," sagði McKennie.
Athugasemdir
