þri 07. janúar 2020 12:04
Elvar Geir Magnússon
Ekki uppselt á Manchester slaginn
Frá Old Trafford.
Frá Old Trafford.
Mynd: Getty Images
Manchester United og Manchester City mætast í kvöld á Old Trafford í fyrri viðureign liðanna í undanúrslitum deildabikarsins.

Ekki er uppselt á leikinn og í kjölfarið hafa verið settir miðar á opna sölu í hólfum stuðningsmanna heimaliðsins.

Óttast er að það geri að verkum að stuðningsmenn City muni vera innan um stuðningsmenn United á vellinum í kvöld.

Aukin löggæsla verður í kringum leikinn og tilkynnt hefur verið að þeir sem séu merktir City eða styðji liðið frá röngum svæðum á vellinum verði vísað frá.

Leikurinn í kvöld hefst klukkan 20 og verður sýndur beint á Stöð 2 Sport.
Athugasemdir
banner
banner
banner
banner
banner