Freyr fer yfir málin á æfingu landsliðsins í dag.
,,Það eru allar líkamlega og andlega klárar. Það er virkilega gott að hér séu 20 leikmenn sem eru tilbúnir að spila leikinn á morgun," segir Freyr Alexandersson landsliðsþjálfari kvenna en liðið mætir Sviss í undankeppni HM á morgun.
Sviss er á toppi riðilsins með 16 stig en Ísland er með níu stig í öðru sætinu. Ísland á hins vegar tvo leiki inni og getur því komist í fína stöðu með sigri á morgun.
,,Þetta er kjörið tækifæri til að taka stjórnina í riðlinum. Leikurinn er ennþá mikilvægari fyrir vikið. Það væri gaman að koma hingað og taka þrjú stig á móti öflugu liði."
Íslenska liðið hefur unnið fimm leiki í röð og getur sett met með því að sigra sjötta leikinn á morgun.
,,Við erum á þeim stað sem ég vildi vera með liðið á núna. Ég er virkilega ánægður með það sem við höfum gert upp á síðkastið og það er framar vonum. Vonandi heldur þetta áfram og við náum í sögulegan sigur á morgun á móti Sviss."
Hér að ofan má sjá viðtalið í heild sinni.
Athugasemdir
