Emil Andri Auðunsson.
Tveir strákar fæddir árið 2000 spiluðu sinn fyrsta Íslandsmótsleik fyrir Víking í kvöld þegar liðið gerði markalaust jafntefli við Val. Logi Tómasson byrjaði leikinn og svo kom markvörðurinn Emil Andri Auðunsson inn á 42. mínútu eftir að Aris Vaporakis fékk höfuðhögg.
Lestu um leikinn: Víkingur R. 0 - 0 Valur
„Ég bjóst alls ekki við því að spila í dag. Ég hef oft verið á bekknum en aldrei komið inn á," segir Emil.
„Það var ótrúlega skemmtilegt að spila þennan leik. Við hefðum þurft að skora en það bara kom ekki mark en við héldum hreinu og það er geggjað."
Emil kom flottur inn og sýndi öryggi milli stanganna, það var ekki að sjá á honum að hann væri að spila sinn fyrsta leik.
„Það var eitthvað stress í manni en það fór alveg."
Sjáðu viðtalið í heild í sjónvarpin hér að ofan.
Athugasemdir
