La Gazzetta dello Sport heldur því fram að Slóveninn Josip Ilicic muni snúa aftur til æfinga hjá Atalanta á morgun.
Hann hefur síðustu sex vikurnar verið í heimalandi sínu að kljást við persónuleg vandamál. Hann missti af 8-liða úrslitum Meistaradeildarinnar vegna þess, en Atalanta féll þar úr leik gegn Paris Saint-Germain á dramatískan hátt.
Ýmsar sögusagnir hafa verið í gangi um það af hverju Ilicic kaus að taka ekki þátt með liðinu. Fram hefur komið í fjölmiðlum ytra að hann íhugi að hætta í fótbolta vegna þunglyndis eftir að hafa gengið inn á eiginkonu sína þar sem hún hélt fram hjá honum.
Gian Piero Gasperini, þjálfari Atalanta, sagði í síðustu viku að hann vissi ekki hvenær leikmaðurinn myndi koma aftur en svo virðist sem hann sé að fara að gera það í dag.
Sjá einnig:
Missti af mikilvægustu leikjunum en verður boðinn velkominn til baka
Athugasemdir