Í tilkynningu frá hollenska fótboltasambandinu er sagt að goðsögn hafi fallið frá.

Neeskens lék 49 leiki fyrir Holland og var í liðinu sem endaði í öðru sæti á HM 1974 og 1978. Með Ajax vann hann þrjá Evrópubikara og tvo hollenska meistaratitla.

Hann var fimm tímabil hjá spænsku risunum í Barcelona og vann Konungsbikarinn og Evrópukeppni bikarhafa með félaginu.

Neeskens fór í þjálfun eftir ferilinn og var aðstoðarþjálfari hollenska landsliðsins 1995 - 2000.