Spánn: Cadiz vann en Osasuna setti stein í götu Athletic

Cadiz vann góðan sigur í La Liga í dag og þá gerðu Athletic og Osasuna jafntefli. Cadiz lagði Huesca seinni partinn og Bilbæingar gerðu jafntefli gegn Osasuna á heimavelli í kvöld.

Athletic komst yfir strax á fyrstu mínútu en gestirnir jöfnuðu á 12. mínútu. Það var svo Oihan Sancet sem skoraði annað mark Athletic á 62. mínútu. Undir lok leiks jafnaði Osasuna metin og þar við sat.

Cadiz komst yfir á 43. mínútu á heimavelli, gestirnir jöfnuðu á fyrstu mínútu uppbótartíma fyrri hálfleiks en sjálfsmark kom Cadiz aftur yfir mínútu síðar. Ekkert var skorað í seinni.

Huesca er í fallsæti, Osasuna er í 12. sætinu, Cadiz í 11. sæti og Athletic er í 8. sæti, fimm stigum frá Evrópusæti.