Fótbolti.net

Jói Bjarna: Erum að smella í gang

Haukur Andri: Höfum verið óheppnir með úrslit

Þorsteinn opnar nýjan kafla: Ágætis tímapunktur til að skipta út og gera breytingar

„Vonandi að fólk sjái að maður geti spilað gegn svona leikmönnum“

Ógeðslega erfitt að horfa frá bekknum - „Fannst ég ná að stríða og djöflast í þeim“

Sverrir Ingi um baráttuna við Mateta - „Ógnarsterkur náungi“

Daníel Tristan: Það er miklu erfiðara finnst mér

Stærsta augnablikið á ferlinum til þessa - „Það voru allir trylltir"

Hákon Arnar: Verður áhugavert hvað menn segja núna

Ísak: Höfðum getað vorkennt sjálfum okkur og haldið að þetta væri búið

Elías notaði orð sem Arnar elskar - „Verður líka að kunna það"

Daníel Leó: Þú verður ekki þreyttur þegar það er þannig

Líður vel í Stockport - „Draumur frá því að maður var lítill“

„Aftur sami Eggert Aron sem að fólk þekkir“

Ólafur horfir enn á 2. sæti riðilsins - „Verðum hreinlega að fá þrjú stig“

Bergdís Sveins: Ætlum að koma geggjaðar inn í næsta tímabil

Óli Kristjáns: Vitum alveg hvernig þetta er búið að vera

Einar Guðna: Við þurfum að vinna næsta leik bara 3-2, þá er ég sáttur

Kom liðinu sínu í Meistaradeildina - „Ég er himinn lifandi, vá!”

Jóhannes Karl: Þurfum sigur á móti Víking

mán 08. ágúst 2022 23:05

Sæbjörn Þór Þórbergsson Steinke

Fannst sigurinn verðskuldaður - „Níunda markið í sumar sem við skorum á síðasta korterinu"

Ánægður í leikslok

Mynd: Fótbolti.net - Hafliði Breiðfjörð

'Sindri Kristinn varði nokkrum sinnum vel'

Mynd: Fótbolti.net - Eyjólfur Garðarsson

„Mér líður bara rosalega vel með þetta. Þetta eru sætustu sigrarnir: að vinna með marki í restina eftir að hafa lagt á sig rosalega mikla vinnu," sagði Sigurður Ragnar Eyjólfsson, þjálfari Keflavíkur, eftir sigur gegn Leikni í Bestu deild karla í kvöld.

Lestu um leikinn: Leiknir R. 1 - 2 Keflavík

„Við vorum með töluverða yfirburði fannst mér í fyrri hálfleik en svo missum við Patrik út af í byrjun seinni hálfleiks og þá riðlast aðeins hjá okkur og Leiknismenn komast meira inn í leikinn, skapa sér færi og Sindri Kristinn varði nokkrum sinnum vel. Við fengum líka mjög hættulegar skyndisóknir, hefðum getað skorað fleiri mörk en náðum að skora í restina sem var virkilega ljúft."

Siggi segir að Keflavík hafi ekki verið 100% á því hvernig Leiknir myndi stilla upp á móti sér. „Það er sama, við eigum að geta spilað boltanum aðeins betur og hraðar innan liðsins. Við reyndum að laga það en riðlaðist aðeins þegar Patrik fór út af enda frábær leikmaður."

Patrik hafði komið Keflavík yfir í lok fyrri hálfleiks en fór af velli vegna meiðsla í upphafi seinni hálfleiks.

„Auðvitað áttu bæði lið sína kafla í leiknum og þegar Leiknismenn lentu undir þá fóru þeir að sækja meira á okkur og settu okkur undir pressu. Við vorum í erfiðleikum að finna lausnir á því í smá tíma. En svo kom þetta hjá okkur," sagði Siggi sem minntist í kjölfarið á færin sem Keflavík fékk í seinni hálfleiknum.

„Á endanum náðum við að skora, það sýnir bara frábæran karakter hjá okkur. Ég held að þetta sé níunda markið í sumar sem við skorum á síðasta korterinu og það er virkilega ljúft. Við töldum okkur óheppna að tapa gegn Breiðablik og KA alveg í restina en í staðinn þá erum við núna að vinna." Ef tölfræðin er skoðuð þá hefur Keflavík skorað níu mörk á 75. mínútu eða síðar í leikjum í Bestu deildinni í sumar og fengið á sig átta.

Siggi var á því að þetta væru verðskulduð þrjú stig fyrir Keflavík. „Þetta var vissulega erfiður leikur og Leiknismenn bitu vel frá sér."

Keflavík hefur gefið út að markmið liðsins sé að enda í efri helmingi deildarinnar, topp sex. „Nú er KR í næsta leik og ef við náum að vinna þá, þá erum við komnir í sjötta sætið," sagði Siggi Raggi.

Viðtalið er aðeins lengra og er Siggi einnig spurður út í samningsstöðu þriggja lykilmanna liðsins sem og leikbannið sem Rúnar Þór Sigurgeirsson var úrskurðaður í í síðustu viku. Viðtalið í heild má sjá í spilaranum að ofan.